2010年08月30日
提到本土漫畫，大家先諗到武打連環圖公仔書，跟住就乏善可陳。其實香港有不少本土漫畫家，從 Blog或 fb發表漫畫爆紅出書，故事形式向多元化發展。近排更流行將自身經歷變成四格漫畫，進一步推出多款周邊產品，令自家主人翁更深入民心。
記者：林佩婷
攝影：王文忠、林栢鈞、部份相片由受訪者提供
路邊攤畫自己
放大圖片
1.書中主角都會表現出與真人相同的特徵，其中做主角的自己留齊蔭頭，身軀又圓又扁，她說造型簡單因為畫起來易控制。
1.書中主角都會表現出與真人相同的特徵，其中做主角的自己留齊蔭頭，身軀又圓又扁，她說造型簡單因為畫起來易控制。
12345678910
以自身及周圍發生小故事創作成四格漫畫的路邊攤（ Kylie），完全沒正統學畫，靠打天才波的她，自小已愛畫公仔。「細細個就鍾意拎住支筆畫家人、動物，仲會自製米奇月刊。小一去小童群益會兒童圖書館，第一本就係睇《叮噹》第 11期，覺得故事好有夢想，三十幾年前畫，諗到家都未做到嘅嘢，我至愛大長篇好似〈雲之國〉、〈海底世界〉咁，帶到好多 Message出嚟。」另一個超喜歡看《叮噹》的原因就是不必用腦，她說或多或少影響自己的漫畫風格。
雖然愛畫，但父母又無送 Kylie學畫，美術課更只上到中三，原因係個老師好怪。「老師好有藝術家脾氣，上堂唔講嘢，有時會讚我的作品，但有時完全扮睇你唔到，我覺得自己唔可以對多佢兩年。至於父母，理所當然話畫畫搵唔到食，選科想我揀 Account、 Econ嗰啲。不過我私下寫日記都照畫，因為覺得文字唔能夠好傳神表達件事。好似我見到阿伯對住人哋架車嘅玻璃，突然用手掩住一邊噴鼻涕，單用文字未必能表現畫面，用圖就夠晒生動。」
放大圖片
2.首本漫畫《愈懶惰愈快樂》，講自己及家人生活趣事，曾打入三聯每周書榜第五位。$60
2.首本漫畫《愈懶惰愈快樂》，講自己及家人生活趣事，曾打入三聯每周書榜第五位。$60
12345678910
放大圖片
3.第二本《愈上學愈快樂》則關於她的小中大學生活，最高上到大眾書局每月書榜第二位。$60
3.第二本《愈上學愈快樂》則關於她的小中大學生活，最高上到大眾書局每月書榜第二位。$60
12345678910
放大圖片
4.最新一本《情人眼裏超低 B》，講路邊攤和男友阿真的浪漫史。$60
4.最新一本《情人眼裏超低 B》，講路邊攤和男友阿真的浪漫史。$60
12345678910
放大圖片
5.除漫畫外另一嗜好是攝影，經常和一班攝影會朋友出去影相，並拿自製的路邊攤公仔做模特兒。
5.除漫畫外另一嗜好是攝影，經常和一班攝影會朋友出去影相，並拿自製的路邊攤公仔做模特兒。
12345678910
放大圖片
6.除漫畫外，現時開始製作周邊產品：（上至下）八達通套未定價、 Folder$10/個、簽名板未定價
6.除漫畫外，現時開始製作周邊產品：（上至下）八達通套未定價、 Folder$10/個、簽名板未定價
12345678910
放大圖片
7.畫到出名全因被 Yahoo!作推介 Blog，令讀者人數飆升，漸令自己的漫畫廣為人知。
7.畫到出名全因被 Yahoo!作推介 Blog，令讀者人數飆升，漸令自己的漫畫廣為人知。
12345678910
寫 Blog開始成名
放大圖片
■喜愛看漫畫的她，家中藏量豐富，每本起碼刨成粒鐘以上，了解圖案、故事、分鏡等細節。
■喜愛看漫畫的她，家中藏量豐富，每本起碼刨成粒鐘以上，了解圖案、故事、分鏡等細節。
12345678910
09年推出《愈懶惰愈快樂》後到現在已出了三本系列，每本都榮登書局暢銷書前列位置。 Kylie說若不是男友鼓勵，三本漫畫書沒可能出世。「畢業後做 PR仍然 Keep住畫日記，有日男友同我講不如放上網，我覺得幾有趣即時買咗塊手寫板，但唔識用軟件、又控制唔到塊板，畫到啲線彎彎曲曲、字又肉酸，初頭畫兩幅畫搞咗五個鐘，仲要加一套文字去表達。另一方面就係分鏡，三、四格表現一個故事真係好難。」書中主角路邊攤圓圓矮矮，但作者 Kylie本身高䠷、外貌甜美，實難和書中論盡的主角產生聯想，但 Kylie就話每個故事都無花無假。至於畫到主角咁圓、頭髮又咁短，純為方便，「因為圓圓扁扁容易控制手腳動作，頭髮肩以上同樣容易控制，起碼郁來郁去唔使畫動態情況。」
出書釋放正能量
香港人注重私隱，但 Kylie偏偏將自己和身邊人的低 B事畫出來，原因只為釋放正能量。「我以前都算悲觀，畫 Blog希望畀大家快樂、搞笑、有共鳴。自己返工都好大壓力無得宣洩，畫漫畫可以醜化人哋，條氣都順咗，返工放工睇到啲漫畫生活上都開心，令心情平衡番。同時令我留意番身邊更多開心事，用漫畫發放正能量，自己同讀者都可以好開心。」她的漫畫故事以己為主，開 Blog初期已儲到大批讀者，有日突然收到出版社的邀請，她最初反應不是開心，而是懷疑是否一個騙局？「第一眼見到心諗真定假，男友話問吓邊間出版社，後來去書展見到佢哋個攤位好大，於是決定合作。」第一本書用了不足兩個月便出版，現在出到第三本，她說會不停出書，進一步希望有漫畫周邊產品，最想有隻路邊攤公仔。「當人物由電腦跳出現實變成製成品，即由平面變立體，先會感覺到真係成功咗。」
江康泉試盡不同題材
放大圖片
■每本書寫出來都有延伸空間，作者最初意念和讀者解讀未必相同，但這過程令江康泉好 Enjoy。
■每本書寫出來都有延伸空間，作者最初意念和讀者解讀未必相同，但這過程令江康泉好 Enjoy。
12345678910
相比路邊攤以個人故事作主角，系列漫畫風格統一，江康泉（江記）的漫畫明顯不同。灰色感覺《瑕疵鞋》、將文學作品變成漫畫意念的《大騎劫》、爆笑現實四格《飯氣劇場》、現實政治意味長篇《 PANDAMAN》等，每本漫畫風格和主題都不同，他說人一生應試不同題材。「我一向唔會諗定主題，一個人有咁多時間創作，應該試吓唔同題材，風格可以變化多啲唔緊要。」
小時候已愛創作打鬥漫畫，到大學修藝術和創意媒體，對漫畫的熱愛令他自然參加不同比賽和嘗試投稿，畢業無耐已諗住將漫畫家視為職業。 03年他在網上認識到一班朋友，跟住他們把自己的不同作品放上網。那麼多題材偏偏放爆笑四格上網，原來和他朋友做 OL有關。「好多網友返 Office工，所以我就畫四格漫畫，等朋友笑吓。」開 Blog畫四格漫畫同時， 03年更將截然不同風格主題的《瑕疵鞋》申請藝發局資助，開始出書生涯。
與文學發生關係
江記筆下人物都有獨特的造型和特徵，別以為要絞盡腦汁作人物設計，原來每個都是從腦海即時出現。「故事內容以幻想情節為多，但每個人物都基於真實諗法設計，人物造型係自動從個腦彈出嚟。好似《飯氣》裏面 Ma屎熊性格夠 Hea夠懶、成日敷 Mask唔願做，同好多人心態相同。又或者企鵝丁丁，用唔係本土香港人諗法去觀察呢個城市等。至於故事都好寫實，好似細個同朋友仔吵架，肯定會劃條線分開唔俾對方過嚟，主題都是希望大家可以 Enjoy生活。」
另一套同智海合作的《大騎劫》，源於鍾意看文學作品，選擇作家由五十年代至近代，最有趣是騎劫前沒問過原作者，但他說很受作家們歡迎。「我哋會選有情節嘅散文、新詩等內容，有故事性可以畫到出嚟。文學界覺得呢個形式好特別好開心，喺新書發佈書上也斯更帶埋詩人來朗誦。智海會畫得較貼近文學作品，我就天馬行空，針對作品創作手法再發揮。雖然要看好多書，但過程好玩！」
放大圖片
■《飯氣》系列各$78
■《飯氣》系列各$78
12345678910
放大圖片
■和智海合作的《大騎劫》上下冊各$88
■和智海合作的《大騎劫》上下冊各$88
12345678910
香港漫畫有出路
放大圖片
8.兩本《瑕疵鞋》有短篇、長篇，風格較灰。各$40
8.兩本《瑕疵鞋》有短篇、長篇，風格較灰。各$40
12345678910
PANDAMAN的雛型源於 07年遊行朋友一條寫「熊貓治港」口號，他諗不可愛的熊貓的造型應該是怎樣。適逢回歸十周年，街頭始終有抗爭聲音，編輯想到寫長篇故事反應香港實情，於是引伸出《 PANDAMAN》。「故事情節有重建、社工、樹木保育等，好多人想做啲嘢但咩都做唔到，希望透過角色表現到世界有 Say No Power呢個主旨。」好多人話香港畫漫畫主題狹窄，畫畫無出路，但江記認為放眼亞洲，香港地方細細能有不同風格的漫畫家實屬難得。「好似門小雷、智海、楊學德等畫風唔同。有啲甚至衝出亞洲，繙譯成法文出版。但點解香港讀者覺得香港漫畫題材唔夠多，好大原因係難接觸到主流以外嘅嘢，若 Marketing做得好，就唔怕出咗嘅漫畫無人知。」
放大圖片
9. Ma屎熊愛敷 Mask hea住倒轉坐，江記話自己現實生活都鍾意倒轉坐、渴望懶、唔做嘢，想法亦相若。
9. Ma屎熊愛敷 Mask hea住倒轉坐，江記話自己現實生活都鍾意倒轉坐、渴望懶、唔做嘢，想法亦相若。
12345678910
放大圖片
10.《 PANDAMAN》最難之處是對長篇故事脈絡要好清楚，同時表達到 Say No Power的主題。$88
10.《 PANDAMAN》最難之處是對長篇故事脈絡要好清楚，同時表達到 Say No Power的主題。$88
12345678910
放大圖片
11.與法國啤酒 crossover的杯（非賣品）。
11.與法國啤酒 crossover的杯（非賣品）。
12345678910
放大圖片
12.為文學雜誌《字花》製作的 Folder。
12.為文學雜誌《字花》製作的 Folder。
12345678910
放大圖片
13.為 U-Dream香港插畫家系列 USB設計圖案。$199
13.為 U-Dream香港插畫家系列 USB設計圖案。$199
12345678910
放大圖片
14.在福士車仔設計展覽中，將車身畫成野餐布，主角在草地上野餐感覺，希望令人想到個人生活似遊樂場。
14.在福士車仔設計展覽中，將車身畫成野餐布，主角在草地上野餐感覺，希望令人想到個人生活似遊樂場。
12345678910
