by 尉遲一
Cult同色情，唔多識分，但乜Cult都好，色情係不能或缺嘅一個元素，而日本色情插畫家佐伯俊男嘅作品，就肯定係藝術，若非藝術，又點可以煞有介事開展覽？
先了解基本資料，佐伯俊男（Toshio Saeki），1945年出生於日本宮崎縣，24歲放棄》廣告界正職改行畫畫，畫嘅係非主流色情插畫，好多人Buy；第二年，以25歲之齡就出版首本畫集，其畫風集合傳統浮世繪、卡通之大成，自成一派，當中大量包含鬼神、驚慄、色情、反諷同幽默元素，得到日本文化界大力推崇，稱之為「現代春畫」同「妖怪畫」。有心睇睇佢嘅作品有幾Cult，可以去Aishonanzuka見識見識，報告完畢！
