港漫唔爭氣 邱福龍：衝出黑暗

漫畫網上盜版猖獗，這邊廂沙田龍頭漫畫店「龍城」也捱不住下月結業令人唏噓，那邊廂本港漫畫也像一池死水，銷量較全盛期暴跌八成。但本地著名漫畫家邱福龍「冇有怕」繼續奮戰，兩年前更自立門戶成立創作室「DARK」，喻意希望在黑暗中劃出光明，並重畫自己20年多前成名作《鐵將縱橫》作為新創作室的頭炮。雖然公司由首半年可獲利，演變至近半年每月虧蝕兩萬。但他始終堅信憑實力仍有生存空間，並正開拓內地市場：「你做得出色一定有人欣賞。」

近年坊間不少漫畫店相繼結業，邱福龍認為漫畫店不會絕迹，但巿場萎縮卻是事實：「無論日本、台灣所有漫畫嘅銷量都下跌，因為𠵱家唔興呀，啲人嘅人生同個電腦好似黐埋咗，拎住部手機玩一日。」

阿邱回憶漫畫界全盛時期，廿年暢銷作品每期曾可賣10萬本，但現時縱名列銷量榜三甲的本土漫畫，一期都只能賣1.1萬本，可謂差天共地。「以前好好搵，好似執金咁執；13年前最差都賣2萬幾本啦，1萬本的銷量廿幾年前係執咗笠㗎喇。」網上免費盜版漫畫，被指是近年漫畫業衰落罪魁，但邱福龍卻不怨人，他另有看法：「最重要是漫畫做咗咁多年都冇乜突破，新一代啲人咪冇乜興趣囉。」他坦言盜版漫畫網站多數在內地經營，難以杜絕，向當局反映亦作用不大。

阿邱直言覺得傳統武俠漫畫「有小小過氣」，讀者可能看厭了。因此他不敢鬆懈，每日由下午3時創作至翌日凌晨3時，12小時苦戰只為創新：「驚自己做唔到創新，你自己先要檢討下係唔係做緊重複嘅嘢。放鬆咗自己嘅話，想生存都難。」他推出的新版「鐵將縱橫」漫畫，由創刊時的新派武俠，漸引入到無限復活重生，以及類近天空之城，外星文明的情節，情節縱天馬行空卻大獲網友好評。

但叫好不等如叫座，盜版潮下漫畫界旺丁不旺財。49歲的阿邱一個人帶着10個助理創天下，一個月開支數十萬，又不想減手足人工，唯有向外發掘商機，「本地漫畫有好多線條，愈複雜，成本就愈大，日本無咁多線條，淨係靠香港巿場維唔到皮！」他正與不同的內地商家商討合作計劃，包括在內地出版以小朋友為對象的漫畫，但一切仍在商談階段。

記者要求阿邱即場畫出此刻對漫畫界前景的看法，他輕輕掃畫上色，15分鐘就畫好了一幅男子從黑暗中衝出光明的漫畫，他說畫中男子代表他：「他揸住支鋼筆代表漫畫業，佢好多汗即係做得好吃力，在黑暗中想衝出這個難關，撲向光明。當然你可以掉轉睇，咁樣就直奔落去下面喇，即係兩個睇法，視乎你點望。」

憑畫寄意，雖然吃力但不會氣餒，阿邱對前景始終抱着樂觀態度，「我又覺得呢行未去到咁差，只係驚自己做唔到啫，因為漫畫都有藝術成份，你做得出色一定有人欣賞。書係永遠繼續落去，電腦代替唔到。除非漫畫真係令我生存唔到，因為我只有這個技能，我唔做，我做咩呢?

Kevin Chung ·  留言最多的人

好老實講, 邱福龍今日既畫功同創意在之前既時期, 已經係超班馬, 講可以同馬榮成相提並論亦不會錯. 亦老實講, 邱福龍依家這時勢才出來創業, 某程度看係屬於遲左, 唉, 馬榮成同天下都要退下來, 如果在上一時期邱福龍一定可以得到比佢既天份同付出更加多既成就、財富、同機遇。若果邱福龍一早儲備這3個因素, 也不會懼怕依家市場既80~00後怎少焦點在香港漫畫、科技進步.

馬榮成, 黃玉郎、同溫日良既身家我都有份架~!

希望,邱福龍先生會從遠方收到我既意見:
我不怕直接說, 從各方既因素看, 新鐵將縱橫根本係這時期最高價值的漫畫. 要做好佢, 你須要一個懂市場既人去幫你開闢, 而不能事事由你去搞晒, 儘管你是老闆之一. 打個例子, APP手機應用程式賺錢的方式有三, 一靠付費下載, 二靠廣告收入, 三係例如免費下載APP後有需要才收服務收費(如 道具課金). 依家漫畫行業處於這狀況, 不能只單純靠買家付費買漫畫和周邊產品去生存. 在權衡輕重後, 你們須要增加後兩者的收入方式去營運.

我提供一個有關廣告收入的方式, 在每頁的頂端增加約5cm的位子去買廣告, 廣告(讚助)商目標是Starbucks、東海堂、McDonald、如aastocks和什麼之塔的手機應用程式. 廣告內包含QR CODE. 收費計算可提議是, 依成功賣出去每本的每一頁的廣告費是0.5~1元, 愈接近封面可議價高一點. 看到這裏你應該計到條數是怎樣的: 每本的廣告收入已經接近15蚊, 則cover左每項製作成本, 買家的付費就是淨收入. (計劃細項同該時現實細節會有出入)

若果漫畫被上載, 你也沒有製作成本支出的損失, 而且可以幫廣告商的廣告更加方便地打入內地和外地. 因為港漫經常很容易地轉載和分享和下載, 須要利用這科技技術在過去是壞處成為今日時代的好處.

有廣告收入, 就須要減書錢, 這一來可吸引新買家, 二來讓書迷能分享這收入和轉變(日圓下跌, 759阿信屋的零食都減價).

如果, 畫迷/會員想24小時都可以從CCTV看著你畫畫, 就須付費收看.

不太懂以下內行知識, 單純給外行意見. 新鐵將縱橫終有須完給的準備, 若果要把新漫畫打入內埗市場, 暫時最好選擇古裝的故事. 因為較容易過到有關部門的門檻. 你應該都已知道, 鬼故、暗示(明示)內地有黑社會都很難通過的.